اضحك...تعرف تضحك ؟ )

اضحك" لما تحط إيدك ف جيبك ومش تلاقي غير 2 جنيه مغسولين .... كويس إن مامتك سابتهملك ف البنطلون Smile

"اضحك" لما تبقي ماشي مضايق أوي ..والمطرة تغرقك..ربنا بيفتحلك باب السما علشان تدعيله ,,, بيفكرك بيه Smile

"اضحك" لما تحب حد جدآ و فجأة يسيبك و يمشي....كفاية إنك حبيته بجد وقلبك دق شوية Smile

"اضحك" لما حد يستندل ...معاك.....قوله بضحكتك طظ ... Smile

"اضحك" لما تبص ف ورقة الإمتحان ومتعرفش تحل.... علشان ... لو ظهرت النتيجة ونجحت هتضحك إن جت معاك كده..ولو شيلت المادة هتضحك إنك خدت فرصة تانية تعلم نفسك Smile

"اضحك" لو رجليك فقفقت من كتر اللف ع الشغل...كفاية إنك شميت هوا الشارع Smile

"اضحك" لما تشتري بطيخة وتطلع قرعة ... مش أحسن ما كان اشتراها واحد غلبان ومش بيشوفها غير م السنة للسنة Smile

"اضحك" لما فجأة كدة تتعب أوي...أكيد هيظهر علي موبايلك إسم حد كان واحشك Smile

"اضحك" لما تحس إنك لوحدك...وخليك واثق إن فيه حد ف الجانب الأخر من العالم بيشاورلك وبيقولك استناني Smile

اضحك...تعرف تضحك ؟ Smile